S&P 500 Rekord Qırır — Amma Bazarın Altında Nə Var?
Bu yazı investisiya məsləhəti deyil. Buradakı məlumatlar yalnız analitik baxış və şəxsi müşahidə xarakteri daşıyır.
S&P 500 bu ay 7,400 həddini keçərək yeni tarixi zirvəyə çatdı. Nasdaq da arxada qalmadı — 26,000 nöqtəsini aşdı. Rəqəmlər parlaq görünür. Amma bazar həmişə göründüyü qədər sadə deyil.
Bazarı nə hərəkətə gətirdi?
Son həftələrdə bir neçə amil birlikdə işlədi. Şirkət gəlirləri — xüsusilə texnologiya sektorunda — gözləntiləri üstələdi. Alphabet, Pinterest kimi adlar güclü rəqəmlər açıqladı. Bundan əlavə, ABŞ ilə İran arasında atəşkəs sazişinə yaxınlaşma xəbərləri neft qiymətlərini aşağı çəkdi. Neft bir vaxtlar $110 üzərindəydi, indi $102-yə düşdü. Bu fərq kiçik görünür, amma bazarın psixologiyasında böyük rol oynayır.
Narahedici tərəflər
S&P 500-ün forward P/E nisbəti 20.9-a çatıb — həm 5 illik, həm də 10 illik ortalamadan yüksəkdir. Bazar ucuz deyil. Güclü gəlirlər bu qiymətləri bir qədər əsaslandırsa da, hər şey 2026-nın ikinci yarısında da eyni sürətin davam edəcəyi fərziyyəsinə söykənir.
Üstəgəl, inflyasiya siqnalları hələ narahat edicidir. Aprel CPI illik bazada 3.3% göstərdi — fevralın 2.4%-dən yüksək. Federal Reserve bu mühitdə faiz endirimi üçün əsas görmür.
Ümumi baxış
Bazarın yüksəlişi real fundamentlara söykənir. Amma bu zirvədə hər şeyin mükəmməl getməsi gözlənilir: İran münaqişəsi sürətlə həll olmalı, inflyasiya geri çəkilməli, gəlirlər artmağa davam etməlidir.
Bazar ümidlə qiymətləndirilir. Ümid isə həmişə etibarlı dayaq nöqtəsi olmur.
